SI QUAERIS MIRACULA

Si quaeris miracula,

Mors, error calamitas,

Daemon, lepra fugiunt,

Aegri surgunt sani.  

Ant: Cedunt mare, vincula:

Membra resque, perditas

Petunt et accipiunt

Iuvenes et cani.        

Pereunt pericula,

Cessat et necessitas:

Narrent hi, qui sentiunt,

Dicant Paduani.       

Ant: Cedunt mare, vincula...            

Gloria Patri et Filio et Spiritui Sancto.    

Ant: Cedunt mare, vincula...          

V. Ora pro nobis, beate Antoni,

R. Ut digni efficiamur promissionibus Christi.      .

Oremus:

Ecclesiam tuam, Deus, beati Antonii Confessoris tui commemoratio

votiva laetificet, ut spiritualibus semper muniatur auxiliis et gaudiis

perfrui mereatur aeternis.

Per Christum Dominum nostrum. Amen.